მოზარდი და ადმინისტრაციული სამართალდარღვევები

 

·       საქართველოს კანონმდებლობის თანახმად, ადმინისტრაციული პასუხისმგებლობის მინიმალური ასაკი არის 16 წელი.

·        სხვა სიტყვებით ეს ნიშნავს, რომ საქართველოს ადმინისტრაციულ სამართალდარღვევათა კოდექსით გათვალისწინებული სახდელი პირს შეიძლება დაეკისროს მხოლოდ იმ შემთხვევაში, თუ მას სამართალდარღვევის ჩადენის მომენტისთვის უკვე  შუსრულდა 16 წელი.

 

ხ

·       არასრულწლოვნების მიერ ჩადენილი სამართალდარღვევების განხილვასა და მათ მიმართ მიდგომებს არეგულირებს როგორც ზოგადი ადმინისტრაციული კანონმდებლობა, ისე არასრულწლოვანთა მართლმსაჯულების კოდექსი.

ხ

 

ძირითადი სამართლებრივი ასპექტები:

ა)პასუხისმგებლობის ასაკი:

 

o   16 წლამდე  მოზარდს ადმინისტრაციული სახდელი (მაგ. ჯარიმა) ვერ დაეკისრება. ასეთ დროს, კონკრეტული დარღვევის ხასიათიდან გამომდინარე, პასუხისმგებლობა ან მატერიალური ზიანის ანაზღაურება შეიძლება მშობლებს ან კანონიერ წარმომადგენლებს დაეკისროთ.

 

o   16-დან 18 წლამდე: მოზარდი თავად აგებს პასუხს ჩადენილ ქმედებაზე, თუმცა მისი არასრულწლოვანება საქმის განხილვისას მიიჩნევა შემამსუბუქებელ გარემოებად.

 

 

ბ)უფლებების დაცვის გარანტიები:

 

·        საქმის წარმოებისას (პოლიციაში ან სასამართლოში) აუცილებელია მოზარდის საუკეთესო ინტერესების გათვალისწინება. პროცესში სავალდებულოა მშობლის, კანონიერი წარმომადგენლის ან ადვოკატის ჩართულობა.

 

გ)ადმინისტრაციული სახდელის სახეები:

 

16 წელს მიღწეული არასრულწლოვნის მიმართ შეიძლება გამოყენებულ იქნეს ადმინისტრაციულ სამართალდარღვევათა კოდექსით განსაზღვრული ზომები, როგორიცაა გაფრთხილება ან ჯარიმა. თუმცა, ადმინისტრაციული პატიმრობა გამოიყენება მხოლოდ უკიდურეს შემთხვევებში.

 

ხ

 

ხშირი  ადმინისტრაციული სამართალდარღვევები მოზარდებში:

1.    საგზაო მოძრაობის წესების დარღვევა: ავტომანქანის ან მოპედის მართვა შესაბამისი მართვის უფლების (მოწმობის) გარეშე.

2.    წვრილმანი ხულიგნობა: საზოგადოებრივ ადგილებში ლანძღვა-გინება, საზოგადოებრივი წესრიგის დარღვევა ან მოქალაქეების შეწუხება.

3.    ცივი იარაღის ტარება: საზოგადოებრივი თავშეყრის ადგილებში დანისა და სხვა მსგავსი საგნების ტარება (რაც მკაცრად ისჯება).

4.    ალკოჰოლისა და თამბაქოს მოხმარება: საზოგადოებრივ ადგილებში ალკოჰოლური სასმელების მიღება ან თამბაქოს/ელექტრონული სიგარეტის მოწევა აკრძალულ ტერიტორიებზე.

 

  იხ. ამ თემაზე  წიგნის  “სამართლის ქალაქი’’ გვ. 9-67  კაზუსები