მუხლი „ხელშეკრულების მიზანი ‘’

 

    მუხლი  „ხელშეკრულების მიზანი ‘’

·        „ხელშეკრულების მიზნის“ შესახებ მუხლი ხელშეკრულებაში საჭიროების მიხედვით შეიტანება , [როდესაც მიზანზე მითითება არსებითი მნიშვნელობისაა]

·        მაგალითად, იჯარის ხელშეკრულებით საიჯარო ქონებით სარგებლობის მიზანი შეიძლება ა)დაკონკრეტდეს ან ბ)შეიზღუდოს ან გ)განისაზღვროს, რომ „საიჯარო ქონებით სარგებლობა დასაშვებია კანონმდებლობით ნებადართული ნებისმიერი მიზნით’’.

 

მაგ.  ხელშეკრულების მიზანი

 

მაგალითი 1.                                      მუხლი 2. ხელშეკრულების მიზანი   1.1. „საიჯარო ფართი“ „მოიჯარეს“ გადაეცემა ნებისმიერი კომერციული და ეკონომიკური საქმიანობისათვის, რომელიც არ არის აკრძალული საქართველოს კანონმდებლობით (შემდგომში „იჯარის მიზანი“).

შენიშვნა:   საქმიანობა შეზღუდულია „კომერციული და ეკონომიკური საქმიანობით“, თუმცა შეუზღუდავია საქართველოს კანონმდებლობით დაშვებული „კომერციული და ეკონომიკური საქმიანობის“ ფარგლებში.

მაგალითი 2.                                         მუხლი 2. ხელშეკრულების მიზანი   1.1. „საიჯარო ფართი“ „მოიჯარეს“ გადაეცემა მხოლოდ სამედიცინო საქმიანობის განხორციელების მიზნებისათვის (შემდგომში „იჯარის მიზანი“).

შენიშვნა: განსაზღვრულია „კონკრეტული საქმიანობა’’ და მხოლოდ ამ საქმიანობის განხორციელების მიზნით გამოიყენება საიჯარო ფართი.

მაგალითი 3.                                       მუხლი 2. ხელშეკრულების მიზანი 1.1. „საიჯარო ფართი“ „მოიჯარეს“ გადაეცემა საქართველოს კანონმდებლობით დაშვებული ნებისმიერი საქმიანობის განხორციელების მიზნებისათვის, გარდა სამედიცინო საქმიანობისა (შემდგომში „იჯარის მიზანი“).

შენიშვნა: საქმიანობა შეზღუდულია მხოლოდ სამედიცინო საქმიანობით, შესაბამისად, საიჯარო ფართის გამოყენება შეიძლება საქართველოს კანონმდებლობით დაშვებული ნებისმიერი საქმიანობისათვის, გარდა სამედიცინო საქმიანობისა

 

იმის გათვალისწინებით, რომ ხელშეკრულების საგანსა და ხელშეკრულების მიზანში ასახული პირობები ურთიერთდაკავშირებულია, შესაძლებელია ხელშეკრულების მიზანი არ გამოიყოს დამოუკიდებელ მუხლად და მისი პირობა ხელშეკრულების საგნის ერთ-ერთ პუნქტად ჩამოყალიბდეს.

 

მაგ4.    ხელშეკრულების მიზანი/შედარება

იჯარის ხელშეკრულებაში „ხელშეკრულების მიზნის“ შესახებ  ცალკე მუხლი

იჯარის ხელშეკრულებაში ხელშეკრულების მიზნის შესახებ პირობა ჩამოყალიბებულია  მუხლ „ხელშეკრულების საგანში’’

მუხლი 1. ხელშეკრულების საგანი   1.1. „ხელშეკრულების“ პირობების შესაბამისად „მეიჯარე“ გადასცემს, ხოლო „მოიჯარე“ დროებით სარგებლობაში იჯარით იღებს „მეიჯარის“ საკუთრებაში არსებულ. ქ. თბილისში, ნატახტარის შესახვევი 1-ში მდებარე კომერციულ ფართს (ს/კ 99.99.00.000.000.00.000), სულ 120 კვ.მ. (შემდგომში „საიჯარო ფართი“). მუხლი   2. ხელშეკრულების მიზანი   2.1. „საიჯარო ფართი“ „მოიჯარეს“ გადაეცემა ნებისმიერი კომერციული და ეკონომიკური საქმიანობისათვის, რომელიც არ არის აკრძალული საქართველოს კანონმდებლობით (შემდგომში „იჯარის მიზანი“).

მუხლი 1. ხელშეკრულების საგანი   1.1. „ხელშეკრულების“ პირობების შესაბამისად „მეიჯარე“ გადასცემს, ხოლო „მოიჯარე“ დროებით სარგებლობაში იჯარით იღებს „მეიჯარის“ საკუთრებაში არსებულ. ქ. თბილისში, ნატახტარის შესახვევი 1-ში მდებარე კომერციულ ფართს (ს/კ 99.99.00.000.000.00.000), სულ 120 კვ.მ. (შემდგომში „საიჯარო ფართი“).   1.2. „საიჯარო ფართი“ „მოიჯარეს“ გადაეცემა ნებისმიერი კომერციული და ეკონომიკური საქმიანობისათვის, რომელიც არ არის აკრძალული საქართველოს კანონმდებლობით (შემდგომში „იჯარის მიზანი“).

 

 

სავარჯიშო #17 (პასუხის გარეშე)

 

საქართველოს მოქალაქე გიორგი დევდარიანს, როგორც გამქირავებელსა და საქართველოს მოქალაქე შალვა შალვაშვილს, როგორც დამქირავებელს, შორის 2024 წლის 01 თებერვალს იდება ქირავნობის ხელშეკრულება 2 წლის ვადით. ქირავნობის ხელშეკრულების შესაბამისად, დამქირავებელს დროებით სარგებლობაში, ქირის გადახდის სანაცვლოდ გადაეცემა გიორგი დევდარიანის საკუთრებაში არსებული ფართი ინვენტარის გარეშე, სულ 250 (ორას ორმოცდაათი) კვ.მ. (ფართის შესახებ ინფორმაცია იხ. დანართი #7).   მხარეები თანხმდებიან, რომ ქირავნობის ფართის გამოყენება დასაშვებია მხოლოდ საცხოვრებელი მიზნებისათვის და მხოლოდ დამქირავებლისა და მისი ოჯახის წევრების – მეუღლისა და ორი შვილისათვის. რეკვიზიტები:   (1) გიორგი დევდარიანის მაიდენტიფიცირებელი და საკონტაქტო ინფორმაცია არის შემდეგი: პირადი ნომერი: 99999002582; მის: თბილისი, ნუცუბიძის ქ. 400, ბ. 8; ელ.ფოსტა: devdarianididiGeorge999@gmail. com; ტელეფონი: 1999 8899987; საბანკო ინფორმაცია: ბანკის დასახელება: სს „ეიბისი ბანკი“; ბანკის კოდი: ABC577; ანგარიშის ნომერი: ABC12345678901333;   (2) შალვა შალვაშვილის მაიდენტიფიცირებელი და საკონტაქტო ინფორმაცია არის შემდეგი: პირადი ნომერი: 99999002999; მის: თბილისი, ხეთაგურის ქ. 400, ბ. 56; ელ.ფოსტა: shalvashalvashalvashvili9@gmail.com; ტელეფონი: 1999 5599987; საბანკო ინფორმაცია: ბანკის დასახელება: სს „ეიბისი ბანკი“; ბანკის კოდი: ABC577; ანგარიშის ნომერი: ABC12345678901444.   დავალება: შეადგინეთ ქირავნობის ხელშეკრულების შესავალი ნაწილი, ძირითად ნაწილში კი განსაზღვრეთ ხელშეკრულების საგნისა და მიზნის შესახებ სახელშეკრულებო პირობები. ამ ეტაპზე ხელშეკრულებას სრულად არ ადგენთ.