შედეგობითი დამოკიდებული წინადადება
· შეიძლება ითქვას,შედეგობითი დამოკიდებული წინადადება შებრუნებული სახეა მიზეზის გარემოებითი წინადადებისა.
დააკვირდი:
რაჭაში იმიტომ
ჩავრჩი,რომ გადაუღებლად თოვდა.(მიზეზის გარემოებითი
დამოკიდებული)
კითხვა: რატომ ჩავრჩი რაჭაში?
პასუხი: [იმიტომ რომ] გადაუღებლად თოვდა.
გადაუღებლად თოვდა,ამიტომ რაჭაში ჩავრჩი.(შედეგობითი დამოკიდებული წინადადება)
კითხვა: რა შედეგი მოჰყვა გადაუღებელ თოვას?
პასუხი: რაჭაში
ჩავრჩი.
· პირველი
წინადადება მიზეზის გარემოებითია,ხოლო მეორე შედეგობითი;
· მათ
შორის განსხვავება ის არის ,რომ პირველი წინადადების მიზეზი(დამოკიდებული წინადადება-
„გადაუღებლად თოვდა’’) მეორე რთული წინადადების მთავარი წინადადებაა.
ხ
დაიმახსოვრე:
შედეგობითი დამოკიდებული
წინადადების ძირითადი კავშირებია :
ამიტომ,ამის გამო, რის გამოც , ასე რომ..
მაგ.
კერაზე ცეცხლი
ოდნავ ბჟჰუტავდა,რის გამოც ოთახში ბნელოდა.
სამომავლოდ დიდი
გეგმები მქონდა,ამიტომაც ვცდილობდი დროის მოგებას.
კუნაპეტი ღამე
ჩამოწვა,ასე რომ იმ ღამეს იქ დავრჩით.
ხ
დაიმახსოვრე:
შედეგობითი ქვეწყობილი წინადადება მნივნელოვნად განსხვავდება სხვა ქვეწყობილი წინადადებებისგან;
კერძოდ,გასათვალისწინებელია:
1.
დამოკიდებული წინადადება მხოლოდ მთავრის მომდევნო ადგილს
იკავებს;
2.
მთავარ წინადადებაში არასოდეს შეგხვდება მისამართი სიტყვა;
3.
დამოკიდებული წინადადების ამოსაცნობად კითხვის დასმა
ფაქტობრივად არ ხერხდება,რადგან მას შეუძლია მცდარი გზით(მიზეზის გარემოებისკენ ) წაგვიყვანოს
.ამიტომაც შედეგობითი დამოკიდებულის ამოსაცნობად უნდა დაეყრდნო მითითებულ კავშირებს(იხ.
კავშირები) და თავისებურებებს(იხ, 1 და მე-2
პუნქტები)
Комментарии
Отправить комментарий