ა)მშენებლობის ახალი ნებართვა, ბ) მშენებლობის ნებართვის გაცემა უნებართვო მშენებლობის შემთხვევაში, გ) მშენებლობის ნებართვაში ცვლილების შეტანა

 

გ)„მშენებლობის ნებართვაში ცვლილების შეტანა“ [სდასსკ-ის 112-ე მუხლის მე-5 ნაწილი და 255-ე დადგენილების 27-ე მუხლი ]

 

·       მშენებლობის ნებართვაში ცვლილების შეტანა შესაძლებელია, თუ  ა)პირი ითხოვს მშენებლობის ნებართვის მოქმედების ვადის გაგრძელებას და ბ)სამშენებლო ობიექტზე არ განხორციელებულა ისეთი სამშენებლო სამუშაოები, რომლებიც საჭიროებენ „მშენებლობის ახალ ნებართვას“[იხ.სდასსკ-ის 112-ე მუხლის მე-5 ნაწილი.]

·        სამშნებლო დოკუმენტში ისეთი ცვლილების შეტანა, რომელიც არ საჭიროებს კორექტირებას, განსაზღვრულია 255-ე დადგენილების 27-ე მუხლით („დასაშვები ცვლილებები“).

·        ასეთ შემთხვევაში მშენებლობის ნებართვის მფლობელი მშენებლობის ნებართვის მოქმედების ვადის გასვლამდე წარუდგენს მშენებლობის ნებართვის გამცემ ადმინისტრაციულ ორგანოს მიმართვას „მშენებლობის ნებართვის მოქმედების ვადის გაგრძელების შესახებ’’.

·        ამ მიმართვას უნდა დაერთოს ა)“დარჩენილი სამუშაოების განსახორციელებლად საჭირო მშენებლობის გრაფიკი’’ და ბ)“ინფორმაცია ამ გრაფიკის შესაბამისად მშენებლობის დასამთავრებლად მოთხოვნილი გონივრული ვადის შესახებ’’.

·        ამ შემთხვევაში შესაბამისი ცვლილება[ანუ ვადი ცვლილება] შეიტანება მშენებლობის ნებართ- ვაში.

 

 ა) ახალი (განახლებული) ნებართვა[სდასსკ-ის 112-ე მუხლის 1-ლი  და მე-3 ნაწილი]

·         თუ ა)გავიდა მშენებლობის ნებართვის მოქმედების ვადა და მშენებლობა არ არის დამთავრებული ან/და   ბ)დარღვეულია სამშენებლო დოკუმენტაციის მოთხოვნები, მშენებლობის ნებართვის მფლობელმა მშენებლობის ნებართვის გამცემ ადმინისტრაციულ ორგანოს მშენებლობის ახალი ნებართვის გაცემის შესახებ განცხადებით უნდა მიმართოს.[სდასსკ-ის 112-ე მუხლის 1-ლი ნაწილი.]

·         ასეთ შემთხვევაში განცხადებას უნდა დაერთოს:

ა)დარჩენილი სამუშაოების განსახორციელებლად საჭირო მშენებლობის გრაფიკი,

ბ)ინფორმაცია მშენებლობის დასამთავრებლად მოთხოვნილი გონივრული ვადის შესახებ,

გ)სამშენებლო დოკუმენტაციის მოთხოვნების დარღვევის შემთხვევაში – შესაბამისი ჯარიმის გადახდის დამადასტურებელი ქვითარი,

დ)მშენებლობის ახალი ნებართვის მისაღებად გადახდილი მოსაკრებლის გადახდის დამადასტურებელი ახალი დოკუმენტი (ქვითარი),

ე)არქიტექტურულ პროექტში ცვლილების შეტანის საჭიროების შემთხვევაში – კორექტირებული არქიტექტურული პროექტი.

 

ამ შემთხვევაში მშენებლობის ნებართვის გამცემი ადმინისტრა- ციული ორგანო ამ კოდექსით დადგენილი წესით გასცემს მშენებლობის ახალ ნებართვას. [სდასსკ-ის 112-ე მუხლის მე-3 ნაწილი.]

 

 

ბ)მოგვიანებითი ნებართვა [სდასსკ-ის 112-ე მუხლის მე-2  და მე-4 ნაწილი]

 

·        თუ წარმოებულია უნებართვო მშენებლობა, რომელიც შეესაბამება საქართველოს კანონმდებლობით დადგენილ მოთხოვნებს, მშენებლობის ნებართვის გამცემი ადმინისტრაციული ორგანო უფლებამოსილია დაინტერესებული პირის განცხადების საფუძველზე განიხილოს მშენებლობის ნებართვის გაცემის საკითხი.[სდასსკ-ის 112-ე მუხლის მე-2 ნაწილი.]

·        ასეთ შემთხვევაში განმცხადებელმა უნდა წარადგინოს:

1)     შესაბამისი ჯარიმის გადახდის დამადასტურებელი ქვითარი,

2)     საექსპერტო დასკვნა განხორციელებული მშენებლობის ტექნიკურ რეგლამენტებთან შე- საბამისობის თაობაზე

3)      არსებული შენობის აზომვითი ნახაზები ან არქიტექტურული პროექტი.[სდასსკ-ის 112-ე მუხლის მე-4 ნაწილი.]

 

ყურადღება:

მოგვიანებითი ნებართვა გაიცემა მხოლოდ იმ შემთხვევაში, თუ უნებართვოდ განხორციელებული მშენებლობა შეესაბამება კანონმდებლობის მოთხოვნებს. [ეს დაიმახსოვრე]