სამშენებლო სამართლებრივი ურთიერთობის მონაწილე სუბიექტები

 

სარჩევი

ადმინისტრაციულ წარმოებაში“ მონაწილე სუბიექტები. 1

1.“მშენებლობის ნებართვის მაძიებელი’’ [სამშენებლო კოდექსის 97-ე მუხ. ნაწ. 1-ლი და ნაწ. მე-3  ნაწ. მე-7 ,ნაწ. მე-8  ] 1

2. „მესამე პირები ‘’  და მათი კერძოსამართლებრივი უფლებები[სამშენებლო კოდექსის 97-ე მუხ. ნაწ. მე-4 ,ნაწ. მე-5  ,ნაწ. მე-6 ,ნაწ. მე-8 ნაწ. მე-9 ] 1

3. „მშენებლობის ნებართვის მფლობელი“[სამშენებლო კოდექსის 97-ე მუხ. ნაწ. მე-2 და ნაწ. მე-3 ,ნაწ მე-9  ] 2

4.კვალიფიციური სპეციალისტები [სამშენებლო კოდექსის 98-ე და 99-ე მუხლები] 3

6. „სხვა ადმინისტრაციული ორგანო“ [სამშენებლო კოდექსის 109-ე მუხლი] 4

7  დაინტერესებული პირი  [სამშენებლო კოდექსის 110-ე მუხლი] 5

 

 

 

„ადმინისტრაციულ წარმოებაში“ მონაწილე სუბიექტები

 

 

·        სამშენებლო კოდექსი განსაზღვრავს სამშენებლო სამართლებრივი ურთიერთობის მონაწილე სუბიექტებს და მათ უფლებამოსილებებს.

 

1.“მშენებლობის ნებართვის მაძიებელი’’ [სამშენებლო კოდექსის 97-ე მუხ. ნაწ. 1-ლი და ნაწ. მე-3  ნაწ. მე-7 ,ნაწ. მე-8  ]

 

·        მშენებლობის ნებართვის მაძიებელი არის პირი, რომელსაც განზრახული აქვს I-IV კლასის შენობა-ნაგებობის მშენებლობა და სურს „მშენებლობის ნებართვის მიღება“ ან  განახორციელოს „მშენებლობის შეტყობინება“.

·        „მიწის ნაკვეთის სამშენებლოდ გამოყენების პირობების დადგენასთან“ ან „არქიტექტურული პროექტის შეთანხმებასთან“ დაკავშირებით მშენებლობის ნებართვის მაძიებელი შეიძლება იყოს ნებისმიერი დაინტერესებული პირი.

 

2. „მესამე პირები ‘’  და მათი კერძოსამართლებრივი უფლებები[სამშენებლო კოდექსის 97-ე მუხ. ნაწ. მე-4 ,ნაწ. მე-5  ,ნაწ. მე-6 ,ნაწ. მე-8 ნაწ. მე-9 ]

 

 

·        როგორც წესი, მშენებლობის ნებართვის გაცემის პროცესში არ ხდება მესამე პირების კერძოსამართლებრივი უფლების შემოწმება,[ რამდენადაც ნებართვის გამცემ ორგანოს არ აქვს კერძოსამართლებრივი საკითხების გადაწყვეტის კომპეტენცია.]

·         გამონაკლისია შემთხვევა, როდესაც მშენებლობა დაგეგმილია  „სხვა[ანუ მე-3] პირის კერძო საკუთრებაში“ ან „საერთო საკუთრებაში არსებულ’’ მიწის ნაკვეთზე ან შენობა-ნაგებობაზე.

·        ასეთ შემთხვევებში, ადმინისტრაციული წარმოების ინტერესების გათვალისწინებით, ნებართვის მაძიებელმა დამატებით უნდა წარადგინოს  „შესაბამისი მესაკუთრის“/ „თანამესაკუთრის“ თანხმობა.[!]

 

 

[ადმინისტრაციული ორგანოს მხრიდან მე-3 პირის კერძოსამართლებრვი უფლების შემოწმება გამომდინარეობს ადმინისტრაციული წარმოების ინტერესებიდან, რამდენადაც მშენებლობის ნებართვის გაცემის მატერიალურსამართლებრივი საფუძვლების შემოწმება და ნებართვის გაცემა, რომელიც არ იქნება გამოყენებადი, ეწინააღმდეგება ადმინისტრაციული წარმოების ეკონომიურობისა და ეფექტიანობის პრინციპებს. ]

 

·        იგივე ვრცელდება „საზოგადოებრივ სივრცეში“ დაგეგმილი მშენებლობის შემთხვევაზე.

 

 

საზოგადოებრივი სივრცე არის  − მიწის ნაკვეთის მომიჯნავე დარეგისტრირებული ან დაურეგისტრირებელი სივრცე, რომელიც საზოგადოებრივი დანიშნულებით გამოიყენება, კერძოდ, ქუჩა, გზა, მაგისტრალი, ჩიხი, ტროტუარი, გაზონი, ბაღი, სკვერი, წყლის სარკე, ლანდშაფტურ-სარეკრეაციო ზონა, საზოგადოებრივი გზა, სერვიტუტი და სხვა, მსგავსი სივრცე;

ხ

 

·        საზოგადოებრივ სივრცეში მშენებლობის ნებართვის მაძიებელი შეიძლება იყოს დაინტერესებული პირი, თუ მშენებლობის განხორციელების თაობაზე არსებობს საზოგადოებრივი სივრცის განკარგვაზე უფლებამოსილი ადმინისტრაციული ორგანოს თანხმობა.

 

·        საზოგადოებრივ სივრცეში მშენებლობის ნებართვის მაძიებელი ვალდებულია, შენობა-ნაგებობის დაპ- როექტება დაუკვეთოს კვალიფიციურ სპეციალისტებს, თუ კანონმდებლობით ზუსტად არის განსაზღვრული ასეთი კვალიფიკაციის კრიტერიუმები.

·        საზოგადოებრივ სივრცეში მშენებლობის ნებართვის მაძიებელი პასუხისმგებელია კანონმდებლობით მისთვის დაკისრებული მოვალეობის შეუსრულებლობის ან არაჯეროვანი შესრულებისათვის.

 

 

 

 

3. „მშენებლობის ნებართვის მფლობელი“[სამშენებლო კოდექსის 97-ე მუხ. ნაწ. მე-2 და ნაწ. მე-3 ,ნაწ მე-9  ]

 

 

·        „მშენებლობის ნებართვის მფლობელი“ არის პირი, რომელიც ფლობს I–IV კლასების შენობა-ნაგებობების მშენებლობის განხორციელების უფლებას.

ხ

·        მშენებლობის ნებართვა ვრცელდება „მშენებლობის ნებართვის მფლობელი“ პირის მემკვიდრეების მიმართაც, რაც ნიშ-ნავს იმას, რომ „ნებართვა’’  არ კარგავს ძალას მშენებლობით დაინტერესებული სუ- ბიექტის შეცვლით.

ხ

·        „მშენებლობის ნებართვის მფლობელის’’  შეცვლის შემთხვევაში, შესაბამისად, ინფორმირებულ უნდა იქნეს ნებართვის გამცემი ად- მინისტრაციული ორგანო. ასეთ შემთხვევაში შესაბამისი ცვლილება შედის მშენებლობის ნებართვაში  [ იხ. სდასსკ-ის 97-ე მუხლის მე-2 ნაწილი].

·        .ეს გამომდინარეობს იქიდან, რომ მშენებლო- ბის ნებართვა არ არის განმცხადებელზე მიბმული, არამედ უკავშირდება მიწის ნაკვეთს, შესაბამისად, განზრახულ სამშენებლო საქმიანობას.

·        მიწის ნაკვეთის გაყიდვის შემთხვევაში ამ ნაკვეთზე გაცემული მშენებლობის ნე- ბართვა არ კარგავს ძალას, უფრო მეტიც, ნებართვიდან გამომდინარე ვალ- დებულებები გადადის ახალ მესაკუთრეზე.

 

4.კვალიფიციური სპეციალისტები [სამშენებლო კოდექსის 98-ე და 99-ე მუხლები]

 

·        იმის გათვალისწინებით, რომ მშენებლობის ნებართვის მოპოვების მიზნით ადმინისტრაციულ ორგანოში წარდგენილ უნდა იქნეს გარკვეული დოკუ-მენტები, რომლებზე დაყრდნობითაც მიიღება გადაწყვეტილება, სამშენებ- ლო კოდექსი ადგენს სანებართვო დოკუმენტაციის შედგენაზე უფლებამოსილ პირს.[ იხ სამშენებლო კოდექსის  98-ე მუხლი]

 

·        მაშინ, როდესაც I კლასის შენობა-ნაგებობის  „მშენებლობის შეტყობინებაზე“ თანდართული დოკუმენტაციის მომზადების უფლება აქვს ნებისმიერ პირს, რომელიც ვალდებულია, უზრუნველყოს შეტყობინებაზე თანდართული დოკუმენტაციის კანონმდებლობის მოთხოვნათა შესაბამისად შედგენა,

 

·        II, III და IV კლასების შენობა-ნაგებობის არქიტექტურული ესკიზის/პროექტის, კონსტრუქციული ან/და ტექნოლოგიური სქემის ან/და მათი ნაწილების შე- მუშავების უფლება აქვს, შესაბამისად, არქიტექტორსა და ინჟინერ-კონსტრუქტორს, რომელთაც ეკისრებათ პასუხისმგებლობა მათ მიერ შედგენილი დოკუმენტის სისწორესა და მის ტექნიკურ რეგლამენტებთან შესაბამისობაზე.

 

·        კანონმდებლის მიერ პასუხისმგებლობის გადატანა აღნიშნულ პირებზე გამომდინარეობს იქიდან, რომ დოკუმენტების შედგენა დაკავშირებულია შესაბამის პროფესიულ ცოდნასთან. ადმინისტრაციული წარმოების ეფექტიანობისა და ეკონომიურობის პრინციპის გათვალისწინებით, აუცი- ლებელი ხდება პასუხისმგებლობის გადანაწილება ნებართვის მაძიებელსა და ნებართვის გამცემ ორგანოს შორის.

 

ხ

ყურადღება:

მშენებლობის ნებართვის გაცემის მიზნით ჩატარებულ ადმინისტრაციულ წარმოებაში მონაწილეობს სანებართვო დოკუმენტაციის საექსპერტო შეფასებაზე უფლებამოსილი პირი[ სამშენებლო კოდექსის 99-ე მუხლი] , რომელიც გასცემს შესაბამის საექსპერტო დასკვნებს, ხოლო, საჭიროების შემთხვევაში, რეკომენდაციას, რომელიც აუცილებელია საპროექტო და სამშენებლო საქმიანობასთან დაკავშირებუ- ლი რისკების მინიმალიზაციისათვის. [სამშენებლო საქმიანობაში საექსპერტო შეფასების მიზანი, სფერო და სახეები იხ.255-ე დადგენილების 21-ე მუხლში.]

ხ

·        საექსპერტო შეფასება არის საჯაროსამართლებრივი ფუნქცია, რომელიც საქართველოს კანონმდებლობით დადგენილი წესის შესაბამისად სახელმწიფოსგან დელეგირებული უფლე- ბამოსილების საფუძველზე ხორციელდება ინსპექტირების აკრედიტებული ორგანოს მიერ ამ კოდექსისა და საქართველოს კანონმდებლობით განსაზღ- ვრულ შემთხვევებში და წესით.

·        საკითხისადმი ამგვარი მიდგომა გამომდი- ნარეობს მიუკერძოებელი და კვალიფიციური გადაწყვეტილების მიღების ინტერესებიდან.

·        ინსპექტირების აკრედიტებული ორგანო არის შესაბამისი დაზღვევის მქონე პირი, რომელსაც აქვს შესაბამისი კომპეტენცია კონკრე- ტული საკითხის გადასაწყვეტად, რაც დადასტურებულია შესაბამისი უფ-ლებამოსილი ორგანოს მიერ.

 

·        საექსპერტო დასკვნა მზადდება „ინტერესთა შეუთავსებლობის თავიდან აცილების“ პრინციპის გათვალისწინებით.

·        ნებართვის მაძიებელი ვალდებულია, ინსპექტირების აკრედიტებულ ორგანოს აუნაზღაუროს საექსპერტო მომსახურებისათვის განსაზღვრული თანხა  იმ შემთხვევაშიც, როცა საექსპერტო დასკვნა არის უარყოფითი.

 

 

6. „სხვა ადმინისტრაციული ორგანო“ [სამშენებლო კოდექსის 109-ე მუხლი]

 

·        მშენებლობის ნებართვის გაცემასთან დაკავშირებით, ადმინისტრაციულ წარმოებაში მშენებლობის ნებართვის გაცემაზე უფლებამოსილი ადმინისტრაციული ორგანოს გარდა, მონაწილეობს სხვა ადმინისტრაციული ორგანო, რომელიც, „მშენებლობის ნებართვის გამცემი ორგანოს“ გადაწყვეტილებით, საქართველოს ზოგადი ადმინისტრაციული კოდექსის 84-ე მუხლით დადგენილ ვადაში ერთვება  ა)„მიწის ნაკვეთის სამშენებლოდ გამოყენების პირობების დამტკიცებასთან“ ან/და  ბ)„არქიტექტურული პროექტის შეთანხმებასთან“ დაკავშირებულ ადმინისტრაციულ წარმოებაში.

·        „სხვა“ ადმინისტრაციული ორგანო, „მიწის ნაკვეთის სამშენებლოდ გამოყენე- ბის პირობების დამტკიცების თაობაზე“ დასმულ საკითხთან დაკავშირებით, გადაწყვეტილებას იღებს განცხადების წარდგენიდან არაუგვიანეს 20 სამუ- შაო დღისა, რომელსაც 2 სამუშაო დღის ვადაში წარუდგენს მშენებლობის ნებართვის გამცემ ადმინისტრაციულ ორგანოს.

·        ზოგადი ადმინისტრაციული კოდექსის 84-ე მუხლით დადგენილ ვადა არ შედის სამშენებლო კოდექსის 104-ე მუხლის მე-2 ნაწილით განსაზღვრულ ვადაში.

ხ

·        „სხვა“  ადმინისტრაციული ორგანო 10 სამუშაო დღის ვადაში შეისწავლის „არქიტექტურული პროექტის“ შესაბამისობას „მიწის ნაკვეთის სამშენებლოდ გამოყენების პირობებთან“ და ამზადებს შესაბამის დასკვნას, რომელიც 2 სამუშაო დღის ვადაში წარედგინება ნებართვის გამცემ ადმინისტრაციულ ორგანოს.

·        ეს ვადა არ შედის სამშენებლო კოდექსის 107-ე მუხლის მე-3 და 108-ე მუხლების მე-3 ნაწილით განსაზღვრულ ვადაში.

 

 

7  დაინტერესებული პირი  [სამშენებლო კოდექსის 110-ე მუხლი]

·        მშენებლობის ნებართვის გაცემასთან დაკავშირებით ადმინისტრაციულ წარმოებაში დაინტერესებული პირის დროული ინფორმირების მიზნით, მშენებლობის ნებართვის გაცემის ცალკეული სტადიის (ასეთის არსებობის შემთხვევაში) დაწყების თაობაზე საინფორმაციო დაფა განთავსებულ უნდა იქნეს ადმინისტრაციული წარმოების დაწყებამდე 3 კალენდარული დღით ადრე.

·        თუ დაგეგმილი მშენებლობით მოსალოდნელია დაინტერესებული პირის სამართლებრივი მდგომარეობის გაუარესება, ადმინისტრაციულ წარმოებაში მის ჩაბმასთან დაკავშირებით გამოყენებულ უნდა იქნეს საქართველოს ზოგადი ადმინისტრაციული კოდექსის 95-ე მუხლით დადგენილი წესი.

·        ადმინისტრაციული ორგანო ვალდებულია, დაინტერესებულ პირს გონივრულ ვადაში მისცეს შესაძლებლობა, გაეცნოს „მშენებლობის დეტალური შეტყობინების’’ საფუძველზე წარმოდგენილ დოკუმენტაციას.

·        დაინტერესებულ პირს უფლება აქვს, წარადგინოს მტკიცებულებები, აგრეთვე შუამდგომლობები საქმის გარემოებათა გამოკვლევის თხოვნით, საქართველოს ზოგადი ადმინისტრაციული კოდექსის 98-ე მუხლის მოთხოვნათა შესაბამისად.