ამკრძალავი(მავალებელი) ინდაქტის ბათილად ცნობა

 

1.    ამკრძალავი(მავალებელი) ინდაქტის ბათილად ცნობა

·        მმართველობის „კანონიერების პრინციპი’’ მოითხოვს უკანონო ინდაქტის გაუქმებას,

·         „სამართლებრივი სტაბილურობის პრინციპი’’კი მოითხოვს გამოცემული და კანონიერ ძალაში შესული ინდაქტის შენარჩუნებას.

·        რაც შეეხება დაინტერესებული მხარის ინტერესს,თვით ადრესატია დაინტერესებული, მისთვის ამკრძალავი[მავალებელი] უკანონო  ინდაქტი  გაუქმდეს[ბათილად გამოცხადდეს].მმართველობის „კანონიერების პრინციპი’’ ამ დროს  მის სასარგებლოდ მოქმედებს.

·        უკანონო  ამკრძალავი[მავალებელი]ინდაქტის  გაუქმებისას[ბათილად გამოცხადებისას] ადმინისტრაციულ ორგანოს არ შეუძლია,მოიშველიოს ასეთი ინდაქტის მიმართ „კანონიერი ნდობის’’ პრინციპი.

·        ერთადერთი არგუმენტი,რისი მოშველიებაც შესაძლებელია,რათა ადმინისტრაციულ ორგანოს მის მიერ გამოცემული უკანონო ამკრძალავი[მავალებელი]ინდაქტი ბათილად არ გამოცხადებინონ არის ის ,რომ ადმინისტრაციულმა ორგანომ დაასაბუთოს უკანონო  ამკრძალავი[მავალებელი]ინდაქტის  შენარჩუნების აუცილებლობა „სამართლებრივი ურთიერთობის სტაბილურობის’’ შენარჩუნების აუცილებლობით(!)

 

2.    ამკრძალავი(მავალებელი) ინდაქტის „ძალადაკარგულად გამოცხადება’’

 

·        „ძალადაკარგულად  გამოცხადების’’ ობიექტია კანონის მოთხოვნათა დაცვით გამოცემული ანუ გამოცემის დროს „კანონიერი“,მაგრამ მისი გამოცემის სამართლებრივი საფუძვლის შეცვლის შედეგად „უკანონოდ’’ ქცეული ინდაქტი.

·        სზაკ-ის 61-ე მუხლი არ იძლევა იმ შემთხვევათა ჩამონათვალს,როდესაც შესაძლებელია  კანონის მოთხოვნათა დაცვით გამოცემული ამკრძალავი[მავალებელი] ინდაქტის „ძალადაკარგულად გამოცხადება’’,მაგრამ ამ მუხლში ჩადებულია საკმარისი „მოქმედების თავისუფლება’’ ასეთი შემთხვევების მოსაწესრიგებლად;

        შეიძლება ითქვას  შემდეგი:

a.      კანონიერი ამკრძალავი(მავალებელი) ინდაქტის „ძალადაკარგულად გამოცხადება’’ არის ადმინისტრაციულ ორგანოს „უფლება’’ და არა „ვალდებულება’’[ანუ ადმ.ორგანოს  შეუძლია გამოაცხადოს ან არ გამოაცხადოს ძალადაკარგულად  კანონიერი ამკრძალავი(მავალებელი) ინდაქტი]

კანონიერი ამკრძალავი(მავალებელი) ინდაქტი  ,მხოლოდ მაშინ შეიძლება გამოცხადდეს  „ძალადაკარგულად’’,როდესაც მისი გამოცემის ფაქტობრივი ან სამართლებრივი საფუძვლები შეიცვლება.