უნივერსალური კავშირი "რომ''

 

·        „რომ’’ კავშირს უნივერსალურ კავშირს უწოდებენ.

·        დააკვირდი:

თითქმის ყველა სახის რთულ წინადადებას საკუთარი კავშირები(და მისამართი  სიტყვები ) აღმოაჩნდა.

კიდევ ერთხელ გადავავლოთ თვალი ამ მიმართებებს:

მისამართი სიტყვა	კავშირი
ის	ვინც
ისეთი	როგორიც
იქ	სადაც
მაშინ	როცა
ისე	როგორც
იმიტომ	რადგანაც
იმისთვის	რათა
	თუ
	თუკი
	ამიტომ
	რის გამოც

 

ისიც უნდა გახსოვდეს,რომ გარკვეული სახის კავშირებს  წ ე ვ რ - კ ა ვ შ ი რ ე ბ ი  ჰქვია,

რადგან ისინი, კ ა ვ შ ი რ ი ს ფუნქციასთან ერთად,წინადადების წ ე ვ რ ი ს  როლსაც ასრულებენ (კითხვა დაესმით)

მაგ.

იმდენი წელი იცოცხლე,რამდენიც არ მოგწყინდება.

რამდენიც დამოკიდებული წინადადების კავშირია,მაგრამ იმავე დროს წევრია,რადგან დაესმის კითხვა „რამდენი?’’[არ მოგწყინდება]?

 

ხ

·        ამათგან განსხვავებით,კავშირი „რომ’’ წევრის ფუნქციიტ არასოდეს გამოდის( არც კითხვა დაესმის);

·        რაც მთავარია, მას შესწევს უნარი ,თითქმის ყველა სხვა წევრ-კავშირს ენაცვლებოდეს.

·        ამიტომა ვუწოდეთ მას „უნივერსალური’’ კავშირი

დააკვირდი:

 ეკალში ვარდი შევნიშნე,ობლად რომ ამოსულიყო.

კითხვა: რომელი ვარდი შევნიშნე?

ამდენად ,რომ კავშირი ჩანაცვლებია განსაზღვრების გამომხატველ წევრ-კავშირს-რომელიც.

 

ხ

მე ჩონგური მისთვის მინდა,რომ  სიმართლეს მსახურებდეს.

კითხვა : რისთვის მინდა ჩონგური?(მისამართი სიტყვა -მისთვის,დაესმის კითხვა)

რომ კავშირი აქ ენაცვლება მიზნის გარემოების გამომხატველ წევრ-კავშირს  რათა..

 

ხ

მე რომ მივედი,ყველაფერი დამთავრებული  იყო.

 

კითხვა:როდის იყო ყველაფერი დამთავრებული?

აქ რომ გვევლინება როდესაც დროის გარემოების  ფუნქციით

 

ხხხხ

დაიმახსოვრე:

„რომ“ კავშირის ამგვარი ჩანაცვლება წევრ-კავშირებით იმასაც ემსახურება,რომ სწორად გამოვიყენოთ დამოკიდებულ წინადადებათა ამოცნობის მითითებული ხერხები;

სათანადო წევრ-კავშირი ცხადს ხდის „რომ“ კავშირის რეალურ ფუნქციას.