სხვათა სიტყვა
· სხვათა სიტყვა-ეს
არის ისეთი ფრაზა(ერთი ან რამდენიმე სიტყვა,ერთი ან რამდენიმე წინადადება),რომელიც
სხვისი ნათქვამის სახით,სხვაზე მითითებით არის ჩართული ავტორის(მთხრობელის) ტექსტში.
· სხვათა სიტყვა მუდმივად გვხვდება მხატვრულ ნაწარმოებებში,განსაკუთრებით-დიალოგების გადმოცემის დროს.
მაგალითად:
„მიშველეთო!’’-დაიკივლა
უცბად და აქეთ-იქით კედლებს დაუწყო ყურება.
ზაალიც წამოვარდა
და მიაშურა:-რა იყო,ბატონო?რა დაგემართა,მარიამ?
„ბაში აჩუკის“
ამ მონაკვეთში სხვათა სიტყვის
გამოყენების ორგვარი შემთხვევა გვაქვს:
ერთი-ბრჭყალებშია ჩასმული,ხოლო მეორე-ტირეთი გადმოცემული.
ხ
სხვათა სიტყვის ორი ძირითადი ფორმა
არსებობს:
1.
პირდაპირი ნათქვამი :
· პირდაპირი ნათქვამის შემთხვევაში მთხრობელი (ავტორი) სიტყვასიტყვით იმეორებს
სხვის ნათქვამს.
·
როდესაც მთხრობელის სიტყვები მოსდევს სხვათა სიტყვას(ციტატას),მის წინ ჯერ მძიმე დაისმის შემდეგ კი ტირე.
მაგ.
„სჯობს
სიცოცხლესა ნაზრახსა სიკვდილი საზელოვანი’’,-გვიანდერძა დიდმა
რუსთაველმა.
როდესაც მთხრობელის
სიტყვები წინ უსწრებს სხვათა სიტყვას(ციტატას)
,ცხადია,მის შემდეგ ორწერტილი
დაიწერება:
დიდმა
რუსთაველმა გვიანდერძა: „სჯობს სიცოცხლესა
ნაზრახსა სიკვდილი სახელოვანი“.
2.
ირიბი
ნათქვამი :
· ამ
შემთხვევაში სხვათა სიტყვა მთხრობელის(ავტორის) ტექსტის ორგანულ სინტაქსურ ნაწილად
არის ქცეული,ანუ,როგორც ერთი რთული წინადადება,ისე
არის შედგენილი :
მაგ.
დიდმა რუთაველმა
გვიანდერძა,რომ ნაზრახ სიცოცხლეს სიკვდილი სჯობია.
დააკვირდი:
ირიბი თქმისას
სხვათა სიტყვა „რომ’’ კავშირის მეშვეობით ისე უკავშირდება მთავარ წინადადებას(ავტორის სიტყვებს),როგორც დამოკიდებული.
ხ
3.
„სხვათა სიტყვის“ გადმოცემის ყველაზე ბუნებრივი ფორმაა სპეციალური
ნაწილაკების გამოყენება;
სულ გვაქვს სხვათა სიტყვის სამი ნაწილაკი:
ა)- მეთქი :
დაერთვის მაშინ,როდესაც
მთხრობელი საკუთარ ადრე ნათქვამს იმეორებს,როგორც სხვათა სიტყვას:
ნეტა,ძიავ,მეც შენისთანა მონადირე
ვიყო-მეთქი,- ვუთხარი ბიძაჩემს
ბ) -თქო :
დაერთვის მაშინ,როდესაც მე-2 პირს აბარებენ სიტყვას
ვინმესთან გადასაცემად:
წადი და ახლავე აქ მოიყვანე,ფულს
გაჩუქებენ-თქო.
გ) -ო :
როდესაც მესამე პირის ადრე ნათქვამს გადმოსცემენ სხვათა სიტყვის ფორმით:
კალანდაც მალე
დადგებაო,-თქვა მამამ.
სჯობს სიცოცხლესა
ნაზრახსა სიკვდილი სახელოვანიო ,-გვიანდერძა დიდმა
რუსთაველმა.
შენიშვნა: -ო ნაწილაკიანი სხვათა სიტყვების
გამოყენება უფრო ხშირია;
ხ
დაიმახსოვრე:
1.
- მეთქი,- თქო ,- ო ნაწილაკები სხვათა სიტყვაში მხოლოდ ერთხელ გამოიყენება,უპირატესად ბოლო სიტყვას დაერთვის.
2.
-მეთქი და - თქო დეფისით დაიწერება შესაბამის
შესიტყვებასთან, - ო კი - შერწყმულად.
3.
არ
არის გამართლებული სხვათა სიტყვის ისე გადმოცემა,რომ სხვათა სიტყვის ნაწილაკიც ჰქონდეს დართული „რომ’’
კავშირით წამოდგენილ ირიბ ნათქვამს;
მაგ. შეცდომაა:
რუსთაველმა გვიანდერძა,რომ
ნაზრახ სიცოცხლეს სიკვდილი სჯობიაო.
დაიმახსოვრე:
ან „რომ ‘’ კავშირი
უნდა დარჩეს,ან - ო ნაწილაკი
Комментарии
Отправить комментарий