არსებითი სახელი
გაკვეთილი 1
ქართულ ენაში ათი მეტყველების ნაწილია.(სიტყვათა 10
ჯგუფია)
ესენია:
არსებითი სახელი: მაგიდა, სკამი, სახლი, სიხარული...
ზედსართავი სახელი: ლამაზი, მწარე, თეთრი...
რიცხვითი სახელი: ერთი, ათი, ასი, ბევრი, მეხუთედი...
ნაცვალსახელი: მე, შენ, ისინი, ვინ, რა, თვითონ...
ზმნა: ვწერ, მივდივარ, ვზივარ, მეძინა...
შენიშვნა :
„სახელები“ იბრუნვის და ზმნა იუღლება
ბრუნვა უცვლის ფორმებს „სახელებს“
უღლება უცვლის ფორმებს
ზმნებს
·
ბრუნება არის სახელის ცვალებადობა ბრუნვების მიხედვით
·
უღლება არის ზმნის ცვალებადობა:პირის,რიცხვის,დროის და კილოს მიხედვით;
ფორმა უცვლელი კლასებია(არც იბრუნება და არც იუღლება)
ზმნიზედა: გუშინ, შარშან, გაისად, ზეგ...
თანდებული: ვით, ზე, გან, შესახებ...
კავშირი: და, რომ, როდესაც, რათა...
ნაწილაკი: არა, ვერა, ხოლმე, მეთქი...
შორისდებული: ყოჩაღ, ვაიმე, უჰ...
ხხ
დაიმახსოვრე
·
მეტყველების ნაწილები (სიტყვების მთელი არსებული სიმრავლე ) ორ დიდ კლასადაც იყოფა,იმის მიხედვით თუ რა ფუნქციას ასრულებებ წინადადებაში
·
არსებობს:
ფორმაცვალებადი სრულმნიშვნელიანი სიტვების კლასი
ამ კლასში შედიან:
ა) ბრუნვადი სიტყვები(არსებითი,სახელები,ზედსართავი სახელები,რიცხვითი სახელები,ნაცვალსახელები) და ბ)უღლებადი სიტყვები(ზმნები)
ხ
ფორმაუცვლელი სიტყვების კლასში კი შედიან :
სრულმნიშვნელოვანი ფორმაუცვლელები : ზმნიზედები
დამხმარე ფორმაუცვლელები : კავშირები,ნაწილაკები,შორისდებულები
გაკვეთილი
2
არსებითი სახელი
·
ყოველ საგანს თავისი სახელი აქვს.
·
განმარტება : საგნის აღმნიშვნელ სიტყვას არსებითი სახელი ჰქვია.
·
არსებითი სახელის ამოსაცნობი კითხვებია: ვინ? რა?
·
ვინ? კითხვა დაესმის მხოლოდ ადამიანის აღმნიშვნელ სახელს,
·
სხვებს - სულიერ და უსულო საგანთა სახელებს - დაესმით კითხვა რა?
·
თუ არსებითი სახელი ერთ საგანს აღნიშნავს, იგი მხოლობით რიცხვშია.
·
თუ არსებითი სახელი ერთზე მეტ საგანს აღნიშნავს, იგი მრავლობით რიცხვშია.
·
არსებითი სახელი სხვა სიტყვებთან დაკავშირებისას შვიდნაირად იცვლება დაბოლოების მიხედვით.
·
სახელის შვიდნაირად ცვლილებას დაბოლოებათა მიხედვით ბრუნება ეწოდება, თითოეულ სახეს კი ბრუნვა ჰქვია.
·
ქართულში შვიდი ბრუნვაა.
·
ეს ბრუნვებია:
სახელობითი,
მოთხრობითი,
მიცემითი,
ნათესაობითი,
მოქმედებითი,
ვითარებითი
წოდებითი.
·
თვითოეულ ბრუნვას თავისი ნიშანი აქვს.
ეს ნიშნებია:
სახელობითი -ი
მოთხრობითი -მა
მიცემითი -ს
ნათესაობითი -ის
მოქმედებითი -ით
ვითარებითი -ად
წოდებითი -ო
·
სახელის იმ ნაწილს, რომელსაც ბრუნვის ნიშანი დაერთვის, ფუძე ჰქვია.
·
ფუძე რომ მოვნახოთ, სახელი უნდა ჩავსვათ მიცემით ბრუნვაში, ჩამოვაშოროთ ბრუნვის ნიშანი და, რაც დარჩება, ის იქნება ფუძე.
·
სახელის ფუძე ან თანხმოვანზე ბოლოვდება, ან - ხმოვანზე.
·
ამის მიხედვით არსებობს თანხმოვანფუძიანი და ხმოვანფუძიანი სახელები.!!!!
გაკვეთილი
3
არსებითი სახელების კლასი შემდეგ ჯგუფებად იყოფა :
1. ვინ ? ჯგუფის არსებითი სახელები -მხოლოდ ადამიანები
2. რა ? ჯგუფის არსებითი სახელები -სხვა სულიერი არსებები და საგნები(ადამიანის გარდა ყველა დანარჩენი)
ხ
3. სულიერთა ჯგუფი : ყველა ცოცხალი არსება ადამიანის ჩათვლით
4. უსულოთა ჯგუფი: საგნები,არაცოცხალი არსებითი სახელები
ხ
5. კონკრეტული არსებითი სახელების ჯგუფი,ის საგნები და მოვლენები,რომლებსაც აფიზიკურად აღვიქვამთ: ვხედავთ,ვეხებით,გვესმის ;
6. აბსტრაქტული არსებითი სახელების ჯგუფი,ისეთი მოვლენები რომლებსაც ფიზიკურად ვერ აღვიქვამთ : ვერ ვხედავთ ,ვერ აღვიქვამთ გრძნობის ორგანოებით:
შენიშვნა:
აბსტრაქტულ არსებით სახელებს აწარმოებს:
ბოლოსართი -ობა . მეგობრ-ობა
.
ან ბოლოსართი -ება . ბედნიერ-ება
თვსართ- ბოლოსართი : სი...ე . სი-ცოცხლ-ე
თავსართ-ბოლოსართი : სი....ო. სი-ტკბ-ო
7.საკუთარი სახელების ჯგუფი : ასეთი სახელები ერთ საგანს ან საგანთა ერთ ჯგუფს მოიცავს:
პირთა სახელები,
გვარები,
ფსევდონიმები.
გეოგრაფიული სახელები,
ჟურნალ-გაზეთების,
ნაწარმოებების
დაწესებულებების,
შერქმეული ან
დარქმეული სახელები
ბრენდების
სახელები
და ა.შ.
8.საზოგადო სახელების ჯგუფი : ერთგვაროვანი საგნების აღმნიშვნელი სახელები : ქვა,ხე, ქალაქი
ხ
9.კრებითი სახელების ჯგუფი:სულიერი არსებების კრებულის საერთო სახელი,რომელიც სიმრავლეს მხოლობითის ფორმით გამოხატავს: ხალხი,რემა,ნახირი,ფარა,გუნდი,ჯგუფი,კლასი
ხ
10. ნივთიერებათა აღმნიშვნელი სახელების ჯგუფი: თხიერი,აიროვანი,ფხვიერი ,მყარი
ნივთიერებები :ოქრო,წყალი,თაფლი,
ხ
11. მოქმედების აღმნიშვნელი არსებითი სახელები ასეთი სახელები ზმნის გან არიან წარმოქმნილი ,გვანან ზმნებს,მაგრამ
დაესმით კითხვა რა ? იბრუნებიან და არა იუღლებიან :წერა,კითხვა,თამაში,სწავლა,შენება,სირბილი,(ინგლისურში ინგ-იანი არსებითი სახელები)
ხ
დაიმახსოვრე:
რაიმე ტექსტში არსებითი სახელის ამოსაცნობი კითხვებია: ვინ ? ან რა ?
ხ
სახელის ფუძე
·
ბრუნვისას სახელის უცვლელ ნაწილს სახელის ფუძე ეწოდება
·
ბრუნვისას ცვალებად დაბოლოებას ბრუნვის ნიშანი ეწოდება
·
როგორ ვიპოვოთ სახელის ფუძე მარტივად?
·
ჩავსვათ სახელი მიცემით ბრუნვაში ;ჩამოვაცილოთ დაბოლოება-ს;რაც დარჩება არის სახელის ფუძე;
·
რატომ მიცემით ბრუნვაში? მიცემით ბრუნვაში ყველა სახელის ფუძე უცვლელია(ანუ არც შეკუმშულია და არც შეკვეცილი)
·
სახელი ფუძის დაბოლოების მიხედვით ორგვარია:
·
ფუძეთანხმოვნიანი-როცა ფუძე თანხმოვნით ბოლოვდება;
დაიმახსოვრე სახელობითში ასეთ ფუძეებს მოსდევს -ი: ქარ-ი; სახლ-ი
·
ხმოვან ფუძიანი, დაიმახსოვრე :ასეთი სახელები სახელობით ბრუნვაში ფუძის სახითაა წარმოდგენილი ბრუნვის ნიშნის ი-ს გარეშე: წვიმა; ძმა
ხ
ფუძის
კუმშვა
·
ფუძეთანხმოვნიანი სახელების ბოლო მარცვლიდან გარკვეულ ბრუნვებში შეიძლება ამოვარდეს ხმოვანი
·
ამგვარ ცვლილებას(ხმოვნის ამოვარდნას ფუძის ბოლო მარცვლიდან) ჰქვია კუმშვა
·
იკუმშება(ვარდება) ხმოვნები: ა;ე;ო
·
ზოგჯერ ო შეიძლება გადაიქცეს ვ-დ
·
კუმშვა ხდება ნათესაობითში,მოქმედებითსა და ვითარებით ბრუნვებში
·
როგორ გავარკვიო არის თუ არა სახელის ფუძე კუმშვადი:
ა)ნახე ფუძე თანხმოვანზე მთავრდება ?
ბ)ფუძის ბოლო მარცვალი ა;ე,ო-ს შეიცავს ?
გ)ფუძის ბოლო მარცვალი: ლ,მ,ნ,რ თანხმოვნებზე მთავრდება ?
მაშინ 100% კუმშვადია
დ) თუ სხვა თანხმოვანზე მთავრდება : შეამოწმე ბუნებრივად ჟღერს თუ არა შეუკუმშავი ფორმა ებ-იან მრავლობითში ;თუ არა ბუნებრივი გეჩვენა შეკუმშე(ამოაგდე
ხმოვანი)
ხ
ფუძის
კვეცა
·
ფუძეხმოვნიანი სახელის ბრუნების დროს შესაძლებელია ფუძის ბოლოკიდურა ხმოვანი დაიკარგოს(კლდე-მ ;კლდ-ის;კლდ-ით)
·
ფუძის ამგვარ ცვლილებას- კვეცა ეწოდება
·
იკვეცება მხოლოდ ორი ხმოვანი: ა და ე
·
კვეცა ხდება ორ ბრუნვში ნათესაობითსა და მოქმედებითში
·
ყურადღება: ა და ე ხმოვნიანი ყველა ფუძე კვეცადი არ არის ;
·
არ შეიძლება
შეკვეცა როცა ეს ხმოვნები აშკარად ფუძის მაწარმოებლებია და მათი დაკარგვა აზრის დაკარგვას იწვევს(მელა) ან როცა ფუძეები უცხო ენიდან შემოსული სიტყვების ფუძეებია(კაშნე)
·
როგორ გავიგო ფუძე კვეცადია თუ არა?
ა) ნახე,ფუძე ხმოვნით მთავრდება ?
ბ)ნახე,ფუძე ა და ე ხმოვანზე მთავრდება ?
გ) ა და ე ფუძის მწარმოებელია?;სიტყვა უცხო წარმომავლობისაა ? თუ არა, მაშინ კვეცადია ;თუ კი , მაშინ არ არის კვეცადი
ყურადღება:
·
არსებობს ათიოდე ფუძეხმოვნიანი სახელი,როლებშიც კუმშვა და კვეცა ერთდროულად ხდება ,ესენია:
·
ქარხანა,ფანჯარა,ქვეყანა,ბეგარა,პეპელა,მოყვარე,მხარე
·
ყურადღება : კუმშვა-კვეცის დროს სახელი ვითარებით ბრუნვაშიც იკვეცება:
ქარხნ-ით ; ფანჯრ-ით; ბეგრ-ით; პეპლ-ით ; მოყვრ-ით;
მხრ-ით
ბრუნვის
ტიპები:
დაიმახსოვრე:
·
სახელის(სახელში იგულისხმება სახელების 4-ვე ჯგუფი) ფორმის ცვლას ბრუნება ეწოდება
·
სახელს აქვს იმდენი ბრუნვის ფორმა,რამდენნაირადაც იცვლის ის სახეს მეტყველებაში გამოყენებისას;
·
ქართულში სახელს აქვს 7 ბრუნვა
·
თითოელ ბრუნვას თავისი სახელი ჰქვია :
·
ბრუნვების თანმიმდევრობა უნდა დაიხსომო და ზუსტად დაიცვა:
ხ
·
სახელობითი- რაიმე სახელის მთავარი ბრუნვაა,სწორედ ამ ფორმით ვასახელებთ რაიმე საგანს როცა ვპასუხობთ კითხვაზე ვინ ? ან რა ?
·
სახელობითი,მოთხრობითი,მიცემითი სუბიექტის (მოქმედი პირის) ბრუნვებია; სუბიექტი წინადადებებში ამ ბრუნვებში გვხვდება
შენიშვნა:
მოთხრობით ბრუნვაში წინადადებაში მხოლოდ სუბიექტი გვხვდება
სახელობითში და მიცემითში კი შეიძლება ობიექტიც შეგვხვდეს
ხ
არსებობს
ბრუნების 5 ტიპი:
1.თანხმოვანფუძიანი უკუმშველი სახელების ბრუნება მაგ. წიგნი :
სახელობითი -ი
მოთხრობითი
-მა
მიცემითი
-ს
ნათესაობითი
-ის
მოქმედებითი
-ით
ვითარებითი
-ად
წოდებითი
-ო
2. თანხმოვან ფუძიანი კუმშვადი სახელების ბრუნება მაგ მგელი
სახელობითი -ი
მოთხრობითი -მა
მიცემითი -ს
ნათესაობითი -ის
მოქმედებითი -ით
ვითარებითი -ად
წოდებითი -ო
3. ხმოვანფუძიანი კვეცადი
სახელების ბრუნება მაგ. ძმა
სახელობითი -ნიშანი არ არის
მოთხრობითი
-მ
მიცემითი
-ს
ნათესაობითი
-ის
მოქმედებითი
-ით
ვითარებითი
-დ
წოდებითი
-ვ/-ო
4. ხმოვანფუძიანი უკვეცი სახელების ბრუნება მაგ. წყარო
სახელობითი - არ არის
მოთხრობითი
-მ
მიცემითი
-ს
ნათესაობითი
-ს (ი)
მოქმედებითი
-თ (ი)
ვითარებითი
-დ
წოდებითი
-ვ
ხ
5. კუმშვად-კვეცადი ფუძის
მქონე სახელების ბრუნება: მაგ.ქვეყანა
სახელობითი -
არ არის
მოთხრობითი -
მ
მიცემითი
-ს
ნათესაობითი
-ის
მოქმედებითი
-ით
ვითარებითი
-ად
წოდებითი
-ვ
ყურადღება: სალიტერატურო ენაში სახელების ბრუნებისას ამ წესების დაცვა სავალდებულოა
არ იცავენ ამ წესებს დასავლეთ საქართველოს დიალექტებში
ხ
ყურადღება ამ წესებიდან გამონაკლისები:
ღვინო- ერთადერთი ო ხმოვნიანი ფუძეა,რომელიც იკვეცება
ღვინ-ის ღვინ-ით
ხუცეს-ი
შეიძლება ტექსტებში შეკუმშულიც შეგხვდეს: ხუც-ის,ხუც-ით,ხუც-ად
და შეუკუმშავიც ხუცეს-ის
ღმერთ-ი ეს ფუძე ადრე იკუმშებოდა სათანადო ბრუნვებში : ღმრთ-ის,ღრმთ-ით ;ღმრთ-ად; ტექსტებში შეიძლება შეგხვდეს კუმშვის ორ ვარიანტი ღმრთ-ის რაც ძველი ფორმაა და ღვთ-ის რაც ახალი ფორმაა
ამბავ-ი
კუმშვადია ოღონდ ბოლო ავ მარცვალი იკარგება: ამბ-ის ამბ-ით ამბ-ად
დრო : ფუძეუკვეცელია სწორი ფორმაა დრო-ის და არა დრო-სი ;სწორია დრო-ით და არა დრო-თი
მხარე: კუმშვა-კვეცადი სახელია მხრ-ის;მხრ-ით; მხრ-ად
მაგრამ თანამედროვე გამოყენებისას ის მხოლოდ კვეცადია:მაგ. მხარ-ის დეპუტატი
ხხხხხხხხხხხხხხხხხხხხ
სავრცობი !!!!!!!!!!!!!
ყურადღება:
·
სავრცობი-ბრუნვის ნიშნის !!!! გავრცობას ახდენს
თანხმოვან ფუძიანი სახელების ბრუნვის ნიშნების გავრცობა:
სახ. -ი
მოთხ. -მ(ა)
მიც. -ს(ა)
ნათ. -ის (ა)
მოქმ. -ით(ა)
ვით. -ად (ა)
წოდ
-ო
ხმოვან ფუძიანი სახელების ბრუნვის ნიშნების გავრცობა:
სახ. -არ არის
მოთხ. -მ (მა)
მიც. -ს (ა)
ნათ. -ს(ი) ს(ა)
მოქმ. -თ(ი) ან თ(ა)
ვით. -დ
წოდ
-ვ
ხ
ყურადღება:
·
ხმოვანი ე.წ. სავრცობი შეიძლება
დაემატოს მხოლოდ თანხმოვანზე დასრულებულ ბრუნვის ნიშნებს
·
როგორც წესი სავრცობი არის ა ხმოვანი
ხ
მოკლედ თანხმოვანზე დასრულებული ბრუნვის ნიშანი ხან წარმოდგენილია გაუვრცობელი ფორმით ხან გავრცობილით
ხ
სავრცობის გამოყენების წესები:
სავრცობის ა გამოყენება სავალდებულოა ც ნაწილაკის დართვისას თანხმოვანზე
დასრულებულ ბრუნვის ნიშნებთან
მაგ. სახლ-ს-ა-ც
;სახლ-ის-ა-ც ;სახლ-ით-ა-ც ;სახლ-ად-ა-ც
ხოლო ნაწილაკის -ვე დართვისას სავრცობი ა სავალდებულო არ არის :
სახლ-ს-(ა)-ვე
სავრცობი ა-ს გამოყენება სავალდებულოა ნაწილაკი -ვით-ის დართვისას ან მიცემით ბრუნვაში
ძმა-ს-ა-ვით
კაც-ს-ა-ვით
ხ
ნათესაობით ბრუნვაში თანდებულების-კენ
;-გან ;-თვის დართვისას სავრცობი ა სავალდებულო არ არის:
სახლ-ის-(ა)-კენ
კაც-ის-(ა)-თვის
ღმერთ-ის-(ა)-გან
გინდა გამოიყენებ და გინდა არა სავრცობს
სავრცობს იყენებენ ხშირად პოეტები თუ დაჭირდათ მარცვალი სტრიქონში;
ხ
სავრცობის სავალდებულო გამოყენების სხვა შემთხვევები:
როცა ნათესაობით ბრუნვაში მდგომი მსაზღვრელი სახელი საზღვრულის შემდეგ დგას:
ძმ-ის სახლი (ძმ-ის აქ არაა საჭირო გავრცობა ბრუნვის ნიშნის)
სახლი ძმ-ის-ა( ძმ-ის-ა აქ საჭიროა
ბრუნვის ნიშნის გავრცობა )
ხ
და & თუ კავშირების წინ
როცა ეს კავშირები აკავშირებს ერთიდაიმავე ბრუნვაში მდგომ არსებით სახელებს:
და-ს-ა და ძმა-ს
ძმა-ს-ა და და-ს
სავრცობი დაერთვის და-კავშირის წინ მდგომ არსებით სახელის ბრუნვის ნიშანს და არ დაერთვის შემდგომ მდგომი არსებითი სახელის ბრუნვის ნიშანს;
ანალოგიურად თუ კავშირის შემთხვევაში უნდა დავწეოთ ასე:
სახლ-ს-ა თუ კარ-ს
ასევე იქნება ნათესაობით ბრუნვაში :
ძმ-ის-ა და დის
სახლ-ის-ა თუ კარ-ის
ასევე იქნება მოქმედებით და ვითარებით ბრუნვებში;
შენიშვნა: მოთხრობით ბრუნვაში მდგარ არსებითებთან არაა რეკომენდირებული ა სავრცობის გამოყენება: შეიძლება მაგრამ ზოგჯერ არ ივარგებს
ძმა-მ-ა და და-მ (არ ვარგა)
სახლ-მ-ა თუ კარ-მ-ა (ვარგა)
ი სავრცობი
სავალებულოა უკვეცელ სახელებში ნათესაობით ან
მოქმედებით ბრუნვებში
წყალი წყაროს-ი
ხ
საკუთარი სახელების ბრუნება:!!!!!!!!!!!!
საკუთარი სახელები იბრუნება სხვა წესით ვიდრე საზოგადო სახელები
1.პირთა ან ცხოველთა
სახელების ბრუნება
(დაიმახსოვრე პირთა სახელი არც იკვეცება და არც იკუმშება ანუ ფუძე არ იცვვლება)
თამარ-ი პაატა
სახელობითი -ი ან არ არის(ხმოვან ფუძიანებთან)
მოთხრობითი -მ(ა)
მიცემითი -ს
ნათესაობითი -ის( ან სი)
მოქმედებითი -ით ან თ(ი)
ვითარებითი -ად ან დ
წოდებითი - ფუძის სახით ბრუნვის
ნიშანი საჭირო არაა
გვართა ბრუნება
(არ იკვეცება გვარები რომლებიც ა ხმოვანზე ბლოვდება)
-ია -ავა - ბა
პერტაია,კუკავა,ავიძბა
სახელობითი -ფუძის სახით
მოთხრობითი -მ(ა)
მიცემითი -ს
ნათესაობითი -ს(ი)
მოქმედებითი -თ(ი)
ვითარებითი -ად
წოდებითი -ვ/ო (ბრუნვის ნიშანს დაირთავენმხოლოდ
თანხმოვანფუძიანები,ხმოვანფუძიანები ფუძის სახით)
ე-ზე დაბოლოებული გვარები (-ე, ან -ძე) იკვეცება
ტაბიძე ,მენაბდე
სახელობითი ფუძის სახით
მოთხრობითი -მ
მიცემითი -ს
ნათესაობითი -ის
მოქმედებითი -ით
ვითარებითი -დ
წოდებითი - ფუძის სახით
გვარები რომლებიც კუმშვად მარცვალზე ბოლოვდება(ა,ე,ო-ს შემცველ მარცვალზე) არ იკუმშება
ხოტივარ-ი ჩრდილელ-ი
სახელობითი - ი
მოთხრობითი -მა
მიცემითი -ს
ნათესაობითი -ის
მოქმედებითი -ით
ვითარებითი -ად
წოდებითი -ო
გამონაკლისია და იკუმშება: წერეთელი და მაჩაბელი
გეგრაფიულ ადგილთა სახელების ბრუნება
(ადგილთა სახელები იკუმშება კიდევაც და იკვეცება კიდევაც,ისე როგორც საზოგადო სახელები)
მცხეთა(იკვეცება) ;ყვარელი(იკუმშება) წილკანი(იკუმშება)
სახელობითი - ფუძის სახით(ხმოვანფუძიანები) ან ი(თანხმოვან
ფუძიანები)
მოთხრობითი -მ(ა)
მიცემითი -ს
ნათესაობითი -ის
მოქმედებითი -ით
ვითარებითი -ად
წოდებითი -ო/ვ
დასკვნა:
სახელები: არც იკუმშება არც იკვეცება
გვარები: ა-ზე დაბოლოებულები არ იკვეცება
ე-ზე დაბოლოებულები იკვეცება
გვარები არ იკუმშება გამონაკლისებია წერეთელი და მაჩაბელი
გეოგრაფიულ ადგილთა სახელები:
ა/ე დაბოლოებით იკვეცება ახმეტ-ის ველისციხ-ის დ
ა,ე,ო-ს შემცველ ბოლო მარცვალის შემცველი იკუმშება ალაზნ-ის დიღმ-ის
ხ
ი ხმოვანზე დაბოლოებულ ფუძიანი უცხო სიტყვების ბრუნება
ჩაი,ტრამვაი აქ ი ფუძის ნაწილია (ასეთი სიტყვები იშვიათია და უცხოური წარმოშობისაა)
მოთხრობითი ჩაიმ (და არა ჩამ)
ი ხმოვანზე დაბოლოებული საკუთარი სახელების ბრუნება
განვიხილოთ სახელები : გიორგი და გრიგოლი (ბერძ.)
მოთხრობითში: გიორგიმ (ი ფუძის ნაწილია ფუძეა გიორგი) გრიგოლმა(ი იყო სახელობითი ბრუნვის ნიშანი ფუძეა გრიგოლ)
თანხმოვან ფუძიანი სახელების ბრუნვის ნიშნები:
სახ. - ი
მოთხ. -მა
მიც. -ს
ნათ. -ის
მოქმ. -ით
ვით. -ად
წოდ- გიორგი(ფუძე) გრიგოლ(ფუძე)
გიორგის მსგავსად იბრუნვის: აკაკი,ალექსი,დომენტი,ამბერკი,რატი,დაჩი,მერი,ნაზი და სხვა. ი მათთან
ფუძის ნაწილია
ხ
როგორ შევამოწმოთ ი ფუძის ნაწილია თუ სახელობითი ბრუნვის ნიშანი ?
ჩავსვათ სახელი სახელობითში და მოთხრობითში ბრუნვის ნიშანი იქნება -მა ან -მ;
თუ -მა ბუნებრივად გვეჩვენება სახელი ყოფილა თანხმოვან ფუძიანი,ხოლო ი ყოფილა სახელობითი ბრუნვის ნიშანი:
მერაბი,მერაბიმ,მერაბმა(ბუნებრივია)- ამიტომ ფუძეა მერაბ
თამაზი,თამაზიმ,თამაზმა(ბუნებრივია)- ამიტომფუძეა თამაზ
აკაკი,აკაკიმ,აკაკმა(არა ბუნებრივია)- ამიტომ ფუძეა აკაკი
საკუთარი სახელების წოდებითი ბრუნვა
ყურადღება:
წოდებით ბრუნვაში პირთა სახელები გამოიყენება -ფუძის სახით; წოდებითის ბრუნვის ნიშანს არ დაირთავენ
პირთა სახელს არც ხმოვან ფუძიანს ,არც თანხმოვან ფუძიანს არ შეიძლება ჰქონდეს ბრუნვის ნიშანი წოდებით ბრუნვაში:
წოდებთში იქნება: მერაბ ! რატი! მანანა!-არც ერთს ბრუნვის ნიშანი არ ექნება აკაკი, გიორგი,დაჩი
გვარები წოდებით ბრუნვაში
:
ასევე წოდებითი ბრუნვის ნიშანს არ დაირთავენ ფუძეხმოვნიანი გვარები:!!!
წოდებითში იქნება: ტაბიძე; გაგუა;
წოდებითი ბრუნვის ნიშანს დაირთავენ თანხმოვანფუძიანი გვარები:
ჟღენტ-ო
დადიან-ო
გეოგრაფიული სახელები წოდებით ბრუნვაში
ხმოვან ფუძიანიც და თანხმოვანფუძიანიც წოდებითი ბრუნვის ნიშანს დაირთავენ:
თბილისო ! მთაწმინდავ!
ხ
გვარებს წოდებით ბრუნვაში ექნებათ ბრუნვის ნიშანი-თანხმოვანფუძიანებს
ბარათაშვილ-ო
ხმოვანფუძიან გვარებს არ ექნებათ წოდებითი ბრუნვის ნიშნები დაბოლოებაში იქნება;
ტაბიძე (ფუძეა)
პერტაია(ფუძეა)
შენიშვნა: გამოძახებისას უნდა ვთქვათ ბარათაშვილო და არა ბარათაშვილი(შეცდომაა) რადგან თანხმოვანფუძიანია
ხ
ადგილთა აღმნიშვნელ არსებით სახელებს წოდებითში ,ისევე როგორც საზოგადო სახელებს აუცილებლად უნდა დაერთოს წოდებითი ბრუნვის ნიშნები:
მცხეთა-ვ!
თბილის-ო!
ხ
სახელისა და გვარის ერთად მართლწერა:
მერაბ ნატროშვილი
როცა პირველი იწერება სახელი შემდეგ გვარი
ბრუნებისას იბრუნება გვარი ხოლო სახელი რჩება უცვლელი:
მერაბ ნატროშვილმა
მერაბ ნატროშვილს
მერაბ ნატროშვილის
მერაბ ნატროშვილით
მერაბ ნატროშვილად
მერაბ ნატროშვილო
როცა სახელი წინ უსწრებს გვარს: სახელი უცვლელად,ფუძის სახით არის წამოდგენილი ყველა ბრუნვაში
გრიგოლ ორბელიანმა
ილია ჭავჭავაძის
ვაჟა ფშაველათი
თუ დავწერთ შებრუნებით ასე იბრუნვის:
ნატროშვილ-ი მერაბ (არ აქვს ბრუნვის ნიშანი)
ნატროშვილ-მა მერაბ-მა
ნატროშვილ მერაბ-ს
ნატროშვილ მერაბი-ის
ნატროშვილ-მერაბ-ით
ნატროშვილ მრეაბ-ად
ნატროშვილ-ო მერაბ(არ აქვს ბრუნვის ნიშანი)
შენიშვნა: რაიმე სიის ჩამოწერისას ეს წესი უნდა იქნას გათვალისწინებული (სახელობითში ბრუნვის ნიშანი სახელს არ უნდა დაუწერო თუ სახელი გვარის შემდეგ წერია;)
ხხხხხხხხ
მრავლობითი
რიცხვის წარმოება
·
რიცხვი-გრამატიკული კატეგორიაა
·
რიცხვი აქვს ა)არსებით სახელს ბ) ზმნას
·
რიცხვი გვიჩვენებს ა)საგანი არის ერთი თუ ერთზე მეტი ბ)ერთი მოქმედებს თუ ერთზე მეტი
·
არსებობს მხოლობითი რიცხვი და არსებობს მრავლობითი რიცხვი;
·
არსებითი სახელის მხოლობითი რიცხვი გვიჩვენებს რომ საგანი არის-ერთი
·
არსებითი სახელის მრავლობითი რიცხვი გვიჩვენებს რომ საგანი არის-ერთზე მეტი
·
რიცხვი ყველა არსებით სახელს არ ეწარმოება
·
რიცხვი ეწარმოება მხოლოდ თვლად არსებით სახელებს;
·
რიცხვი არ ეწარმოება უთვლად არსებით სახელებს;
ხ
მრავლობითი რიცხვის წარმოება !!!!!!!!
·
მრავლობითი რიცხვი ორნაირად იწარმოება
სხელობით - ებ-ი
-ნ-ი
მოთხრობითი -ებ-მა
-თ-ა
მიცემითი -ებ-ს(ა)
-თ-ა
ნათესაობითი -ებ-ის(ა) -თ-ა
მოქმედებითი -ებ-ით (ა) არ არის
ვითარებითი -ებ-ად
არ არის
წოდებითი -ებ-ო -ნ-ო
ხ
ა-ზე დაბოლოებული არსებითი სახელები მრავლობითის ფორმაში იკვეცება:
ქვა
ქვ-ებ-ი
ე-ზე დაბოლოებულ არსებით სახელებში კი გვექნება ორი- ე
კლდე
ლდე-ებ-ი
ხ
გამოყენება:
ებ-იანი მრავლობითის წარმოება უნივერსალური გამოყენებისაა
ნარ-თანიანი მრავლობითი გამოიყენება სპეციფიკურ შემთხვევებში, კერძოდ;
მაღალფარდოვანი ან ირონიული სტილის დროს
ნარ-თანიანის ნათესაობითი ფორმა ასევე გამოიყენება ოფიციალური
დაწესებულებების სახელწოდებების აღსანიშნავად:
მწერალთა კავშირი
დედათა და ბავშვთა სანატორიუმი
ფეხოსანთა დივიზია
ხ
როგორ ამოვიცნოთ -თ(ა) დაბოლოებიანი ფორმა მოთხრობითია,მიცემითია,თუ ნათესაობითი ?
ამისათვის აუცილებელია ასეთი ფორმის ადგილას ჩასვა შესაბამისი ებ სუფიქსიანი ფორმა:
მაგ. ძმა-თა უთხრეს
ძმ-ებ-მა უთხრეს;(მოთხრობითი ბრუნვა ყოფილა)
ხ
ებ-იანი მრავლობითის
ფორმების ბრუნების
თავისებურებები
·
ა ფუძეხმოვნიანი სახელები მრავლობითში იკვეცება ძმა -ძმ-ებ-ის
·
ასევე იკვეცება ზოგიერთი მხოლობითში უკვეცელი ფუძე: მელა-მელ-ებ-ი
·
არ იკვეცება ე ფუძეხმოვნიანი სახელები ხე-ხე-ებ-ი
·
ზოგიერთი სახელი ებ-იან მრავლობითში თავისებური სახით შეიძლება შეგხვდეს ხბო -ხბო-ებ-ი ან ხბორ-ებ-ი
ხ
თანდებულ დართული არსებითი სახელების ბრუნება !!!!!!!!!!!!!
·
თანდებული არის დამოუკიდებელი მნიშვნელობის არ მქონე ბგერათა ჯგუფი
·
თანდებული დაერთვის სახელის ამათუ იმ ბრუნვის ნიშანს
·
აღნიშნავს რაიმე დამოკიდებულებას საგანთან :მიმართულებას,მდებარეობას,მსგავსებას და სხვა
·
თანდებული შეიძლება იყოს სახელის წინაც(როცა ცალკე
იწერება) და მოდიოდეს შემდეგაც(ეს შემთხვევები უფრო ხშირია)
·
თანდებული შეიძლება იწერებოდეს სახელთან ერთად შეიძლება ცალკე იდგეს
·
ყურადღება: თანდებული დაერთვის 7 ბრუნვიდან მხოლოდ ხუთს;(არ დაერთვის მოთხრობით და წოდებით ბრუნვებს) ზოგ ბრუნვაში კი მხოლოდ ერთი თანდებული გვხვდება
·
განვიხილოთ თანდებულები ბრუნვების მიხედვით:
1. სახელობითი ბრუნვა: -ვით თანდებული აღნიშნავს მსგავსებას( სახელობითში დაერთვის თანხმოვანფუძიანებს მხოლოდ) ბავშვ-ი-ვით ;ლომ-ი-ვით
ხ
1. მიცემითი ბრუნვა: -ვით დაერთვის როგოც თანხმოვან ფუძიანებს ისე ხმოვანფუძიანებს( კატა-ს-ა-ვით ;ქალ-ს-ა-ვით)- ბრუნვის ნიშანის გავრცობილია ა-თი
დაიმახსოვრე
-ვით თანდებული იხმარება მხოლოდ სახელობით ბრუნვასთან და მიცემითთან
თუ დაწერ ნათესაობით ბრუნვასთან იქნება შეცდომა:კატ-ის-ა-ვით ;ქალ-ის-ა-ვით;
- თან თანდებული აღნიშნავს თანაობას,ახლომყოფობას( ცხენ-(ს)-თან) შენიშვნა ს მიცემითი ბრუნვის ნიშანი დაკარგულია ფუძეთანხმოვნიანებთან და თანდებული პირდაპირ ფუძეს ერთვის
კედელ-თან
ნაპირ-თან
ს მიცემითი ბრუნვის ნიშანი ნარჩუნდება ხმოვან ფუძიან სახელებთან :
წყარო-ს-თან ;კერა-ს-თან
-ში თანდებული და -ზე თანდებული (ქარქაშ-(ს)-ში; კოვზ-(ს)-ზე) ს- ბრუნვის ნიშანი ამ თანდებულების დროს დაკარგულია ყოველგვარ სახელთან
კედელ-ზე
წყარო-ზე
ცა-ში
ძირ-ში
გამონაკლისია :ს შენარჩუნებულია
მა-ს-ზე; მა-ს-ში
3.ნათესაობითი ბრუნვა:
ნათესაობით ბრუნვაში სახელებს ყველაზე მეტი თანდებული დაერთვის:
1. -თვის (დანიშნულებას აღნიშნავს) -კაც-ის -თვის ბრუნვის ნიშანი შენარჩუნებულია
2. -და (იშვ. გამოყენება აქვს ამ
თანდებულს ) მის-და;ჩემ-და;თქვენ-და
ბრუნვის ნიშანი ის დაკარგულია: თქვენ-(ის )-და
3.-გან (მაგ. ხ-ის-გან) ბრუნვის ნიშანი შენარჩუნებულია
4.გამო (აღნიშნავს მიზეზს)(ყურადღება: ცალკე იწერება (ამის გამო,იმის გამო)
5.მიმართ ,მომართ (აღნიშნავს მიმართულებას)(ცალკე იწერება (სხვ-ის მიმართ, ადამიან-ის მიმართ)
6. გარდა (აღნიშნავს გამორიცხვას) (ამ-ის გარდა,იმ-ის გარდა ; ჩემ-(ი)ს-გარდა) იწერება ცალკე
7. -კენ თანდებული(მიმართულებას აღნიშნავს) (სახლ-ის-(ა)-კენ)ბრუნვის ნიშანი შენარჩუნებულია და გავრცობილია შეიძლება სახლ-ის-კენ ფორმაც (გავრცობის გარეშე)
8-ებრ(აღნიშნავს მსგავსებას)(მგლ-ის -ებრ) ბრუნვის ნიშანი შენარჩუნებულია და გაუვრცობელია
9.-დამი (იშვიათი თანდებული მიმართულებას აღნიშნავს) (ჩემ-დამი ;შენ-დამი) იწერება ერთად ;ის ბრუნვის ნიშანი დაკარგულია
10. მიერ -თანდებული აღნიშნავს მოქმედ პირს (ცალკე იწერება ადამიანის მიერ ; შენ-(ი)ს მიერ;ჩემ-(ი)ს მიერ
11. შესახებ-თანდებული აღნიშნავს რაზეა საუბარი;იწერება ცალკე;( ლიტერატურ-ის შესახებ;ამინდ-ის შესახებ;)
12-თანავე დაერთვის ე.წ. საწყის ფორმას. ბრუნვის ნიშანი ის შენარჩუნებულია და გაუვრცობელია
მოსვლ-ის- თანავე (ერთად იწერება)
გაღვიძებ-ის-თანავე
ეს იყო ნათესაობითი ბრუნვაში მდგარი სახელის თანდებულები
ნათესაობითს აქვს ცალკე მდგომი თანდებულები;
ესენი
ძირითადად ზმნიზედებია,რომლებიც
,როცა სახელს დაერთვიან,თანდებულის ფუნქციას არულებენ;
მაგ. ეს
ამბავი წინათ მოხდა.
აქ წინათ-ზმნიზედაა.
ეს ამბავი
ორი კვირის წინათ მოხდა.
აქ კი წინათ
თანდებულია.
ცალკე
მდგომი (ცალკე იწერება) თანდებულები:მიერ,გამო,მაგიერ,ქვეშ,ირგვლივ,ახლოს,მხრივ,გარდა
ხ
მოქმედებითი ბრუნვა:
1. -ურთ თანდებული აღნიშნავს თანაობას ,ერთად ყოფნას(მეგობრ-ით-ურთ ) ბრუნვის ნიშანი ნარჩუნდება გაუვრცობელი ფორმით
მეგორ-ით-ურთ
შვილებ-ით-ურთ
1. -(ი)დან თანდებული ეს თანდებული გაჩნდა (-ით და -გან) ორი თანდებულისგან მოხდა თ-ს და გ-ს შერწყმა და წარმოიქმნა (ი)დან (სახლ-იდან; წყარო-დან)
ხ
ვითარებითი ბრუნვის თანდებული:
-მდე (სახლ-ა(დ)-მდე) თანხმოვან ფუძიანებთან ბრუნვის ნიშანიდან -დ იკარგება ნარჩუნდება ა და გვაქვს სახლ-ა-მდე
ფუძეხმოვნიანებთან ბრუნვის ნიშანი -ად იკარგება და თანდებული ერთვის ფუძეს
წყარო-მდე
-მდის თანდებული ანალოგიურად
სახლ-ა-მდის
წყარო-მდის
ხ
შორის და შუა - ცალკე მდგომი თანდებულები(ცალკე იწერება) წყვილში პირველს ემატება სავრცობი ა
ქალაქსა და ქალაქს შორის
ქალაქსა და სოფელს შუა
Комментарии
Отправить комментарий